Markmið félagsins
Markmið félagsins er að leitast við að sjá dýrum sem þarfnast heimilis fyrir skjóli og stofna til þess dýraathvarf og að vinna almenning í landinu til fylgis og stuðnings við dýravernd. Mun dýraathvarfið taka við öllum dýrum sem þarfnast nýs heimilis og reyna að finna þeim nýtt heimili. Þangað til hægt verði að stofna til slíks athvarfs mun félagið leitast við að finna þeim dýrum sem annars væri lógað ný heimili, hvort sem það er fósturheimili eða varanlegt heimili.
Stjórn
Valgerður Valgeirsdóttir - vala@dyrahjalp.is
Valgerður er með meistaragráðu í fjármálum frá Háskóla Íslands og vinnur í PricewaterhouseCoopers. Hún á kanínu og hund og er formaður félagsins.
Ásbjörg Una Björnsdóttir - asbjorg@dyrahjalp.is eða atburdahopur@dyrahjalp.is
Ásbjörg vinnur hjá Hafnarfjarðarbæ. Hún á hundinn Alfreð og er í forsvari fyrir sjálfboðaliða félagsins.
Erla Guðlaugsdóttir - erla@dyrahjalp.is eða fosturheimili@dyrahjalp.is
Erla er nemi í háskólanámi á Bifröst. Hún á tvo ketti og páfagauka og er í forsvari fyrir fósturheimili Dýrahjápar.
Sandra Lyngdorf - sandra@dyrahjalp.is (býr í Amman, Jórdaníu)
Sandra er lögfræðingur sem er að vinna í Háskólanum í Reykjavík og er í doktorsnám í Háskólanum í Amsterdam. Hún á kanínur og hesta. Sandra er frá Svíþjóð.
Einar Jónsson - einar@dyrahjalp.is
Einar starfar hjá Teris. Einar er mikill dýravinur en á engin gæludýr, það má segja að starf hans í þágu dýranna í starfi Dýrahjálpar kemur í staðinn. Einar má segja að sé tæknimaður Dýrhjálpar og smíðaði hann heimasíðu félagsins.
Hópastarf Dýrahjálpar
Atburðahópur - atburdahopur@dyrahjalp.is
Fósturheimili - fosturheimili@dyrahjalp.is
Helena Rafnsdóttir - helena@dyrahjalp.is
Lilja Sif Þorsteinsdóttir - facebook@dyrahjalp.is
Berglind Guðbrandsdóttir - berglind@dyrahjalp.is
Sirrý Klemensdóttir - sirry@dyrahjalp.is
Eygló Huld Jónsdóttir - eyglo@dyrahjalp.is
Lög Dýrahjálp Íslands
1. gr.Félagið heitir Dýrahjálp Íslands.
2. gr.Heimili félagsins og varnarþing er í Reykjavík. Heimilt er að stofna einstakar deildir félagsins hvar sem er á landinu.
3. gr.Tilgangur félagsins er að leitast við að sjá dýrum sem þarfnast heimilis fyrir skjóli og stofna til þess dýraathvarf og að vinna almenning í landinu til fylgis og stuðnings við dýravernd. Mun dýraathvarfið taka við öllum dýrum sem þarfnast nýs heimilis og reyna að finna þeim nýtt heimili.
4. gr.Stofnfélagar eru: Sandra Lyngdorf, 210381-2449, Flyðrugranda 16, 107 Reykjavík. Anne Franziska Mueller, 201181-2329, Ránargötu 44, 101 Reykjavík. Þorvarður Atli Þórsson, 280982-3859, Flyðrugranda 16, 107 Reykjavík.
5. gr.Í Dýrahjálp Íslands geta verið allir þeir einstaklingar sem búsetu hafa á Íslandi. Jafnframt aðrir aðilar, félög, fyrirtæki og stofnanir.
6. gr.Stjórn félagsins skal skipuð þremur félagsmönnum þ.e. formanni og tveimur meðstjórnendum. Stjórnarmenn skulu kosnir til eins árs í senn en formaður skal kosinn á hverjum aðalfundi. Formaður boðar stjórnarmenn á stjórnarfundi þegar þurfa þykir.
Daglega umsjón félagsins annast formaður og er firmaritun félagsins einnig í hans höndum.
7. gr.Starfstímabil félagsins er almanaksárið. Á aðalfundi félagsins skal stjórn gera upp árangur liðins árs. Aðeins félagsmenn mega vera þátttakendur í aðalfundi.
8. gr.Stjórn félagsins ákveður félagsgjöld og getur leitað eftir stuðningi aðila sem styðja vilja stefnumið félagsins. Rekstrarafgangi/hagnaði af starfsemi félagsins skal varið í samræmi við tilgang félagsins.
9. gr.Ákvörðun um slit félags verður tekin á aðalfundi með atkvæðum 2/3 hluta fundamanna og renna eignir þess til Dýraverndasambands Íslands.
Lög þessi voru samþykkt á stofnfundi félagsins og öðlast gildi 14. apríl 2008.
Sum dýr þurfa nauðsynlega að finna heimili með skömmum fyrirvara og því getur reynst nauðsynlegt að koma því fyrir á fósturheimili þar til finnst varanleg lausn fyrir dýrið.
Með því að gerast meðlimur þá gengur þú í lið með okkur og segir að þörf sé á dýraathvarfi á Íslandi sem geti tekið við þeim dýrum sem þarfnast nýs heimilis.
Atburðahópur stendur fyrir kynningaratburðum til að kynna þar sem við getum komist að, t.d. flóamarkaður, jólaþorpið, hundasýningar þar sem við myndum að öllum líkindum hafa einhver af þeim dýrum með sem eru að leita að heimilum.
Dýrahjálp Íslands tekur alltaf við gjöfum frá einstaklingum og fyrirtækjum í formi dýradóts eða fóðurs sem verður nýtt fyrir fósturdýrin okkar.
Ath. Því betri upplýsingar sem við höfum, því auðveldara er að finna gott heimili fyrir gæludýrin.
Smelltu hér til að skrá tilkynningu um týnt dýr.
Fannstu dýr á flakki? Smelltu hér til að skrá tilkynningu.
