Við munum setja auglýsinguna á netið eins fljótt og hægt er.
Það er miklu einfaldara að finna nýtt heimli fyrir dýr ef það fylgja góðar myndir af dýrinu, þú hefur möguleika á því að senda myndir í síðasta hluta skráningarformsins.
Dýrahjálp mun auglýsa ókeypis fyrir þig en við gerum kröfur um að þú látir okkur vita þegar dýrið/in eignast nýtt heimili.
Flest dýr sem eru auglýst hjá okkur finna ný heimili þó það geti tekið smá tíma. Vinsamlegast sýnið því þolinmæði. Við verðum í sambandi um leið og einhver hefur áhuga!
Varðandi fósturheimilin: Þar sem við erum ekki með húsnæði fyrir Dýrahjálp treystum við á fósturheimili til að taka við þeim dýrum sem bráðvantar heimili. Ef það er dýr sem bráðvantar heimili, sendum við póst á fósturheimilin okkar til að athuga hvort þau hafi tækifæri til að taka dýrið. Vegna þessa getum við ekki tryggt fósturheimili handa öllum þeim sem þess þarfnast.
ATH! Við tökum ekki við dýrum frá ræktendum og að öllu jöfnu ekki nýfæddum dýrum nema eigendur fullvissi okkur um að slysagot hafi verið að ræða og foreldrarnir verði teknir úr sambandi til að tryggja að slíkt slys komi ekki fyrir aftur. Þetta er gert þar sem staðan á Íslandi virðist vera slík að nokkuð offramboð sé af dýrum hér og því sé mikill fjöldi svæfður í hverri viku að óþörfu.
Sum dýr þurfa nauðsynlega að finna heimili með skömmum fyrirvara og því getur reynst nauðsynlegt að koma því fyrir á fósturheimili þar til finnst varanleg lausn fyrir dýrið.
Með því að gerast meðlimur þá gengur þú í lið með okkur og segir að þörf sé á dýraathvarfi á Íslandi sem geti tekið við þeim dýrum sem þarfnast nýs heimilis.
Atburðahópur stendur fyrir kynningaratburðum til að kynna þar sem við getum komist að, t.d. flóamarkaður, jólaþorpið, hundasýningar þar sem við myndum að öllum líkindum hafa einhver af þeim dýrum með sem eru að leita að heimilum.
Dýrahjálp Íslands tekur alltaf við gjöfum frá einstaklingum og fyrirtækjum í formi dýradóts eða fóðurs sem verður nýtt fyrir fósturdýrin okkar.
Ath. Því betri upplýsingar sem við höfum, því auðveldara er að finna gott heimili fyrir gæludýrin.
Smelltu hér til að skrá tilkynningu um týnt dýr.
Fannstu dýr á flakki? Smelltu hér til að skrá tilkynningu.
