Smelltu á myndirnar til að stækka þær
Senda á vin
Senda á FacebookDýrahjálp nú samstarfsaðili breska RSPCA
Við fengum í dag að vita að umsókning okkar um að komast í samstarf við breska RSPCA (Royal Society for the Prevention of Cruelty to Animals) hefur verið samþykkt og að Dýrahjálp er nú samstarfsstofnun RSPCA á Íslandi.
Þetta er gríðarleg viðurkenning á starfi Dýrahjálpar þar sem RSPCA eru mjög þekkt og virt dýraverndunarsamtök, ekki einungis í Bretlandi heldur um heim allan. Með því að gera Dýrahjálp að samstarfsaðila þeirra á Íslandi staðfestir RSPCA að Dýrahjálp uppfyllir þær kröfur sem samtökin gera til gæði þjónustu okkar og þeirra gilda, vinnureglna og stefnu um dýravernd sem Dýrahjálp vinnur eftir.
Sem samstarfsaðili hefur Dýrahjálp nú einnig aðgang að stóru neti sambærilegra samtaka um heim allan og ekki síður bakhjarl í RSPCA sem getur stutt við Dýrahjálp á öllum sviðum starfsemi okkar.
Á sama tíma hefur enska nafn Dýrahjálpar, Icelandic Society for the Prevention of Cruelty against Animals (ISPCA), verið samþykkt af stjórn Dýrahjálpar og viðurkennt af RSPCA sem nafn okkar á erlendri grundu.
Við vonum að þið samgleðjist okkur yfir þessari miklu viðurkenningu sem Dýrahjálp hefur hlotið og því mikla tækifæri sem þetta felur í sér!
Til hamingju félagsmenn!
Stjórn Dýrahjálpar
Sum dýr þurfa nauðsynlega að finna heimili með skömmum fyrirvara og því getur reynst nauðsynlegt að koma því fyrir á fósturheimili þar til finnst varanleg lausn fyrir dýrið.
Með því að gerast meðlimur þá gengur þú í lið með okkur og segir að þörf sé á dýraathvarfi á Íslandi sem geti tekið við þeim dýrum sem þarfnast nýs heimilis.
Atburðahópur stendur fyrir kynningaratburðum til að kynna þar sem við getum komist að, t.d. flóamarkaður, jólaþorpið, hundasýningar þar sem við myndum að öllum líkindum hafa einhver af þeim dýrum með sem eru að leita að heimilum.
Dýrahjálp Íslands tekur alltaf við gjöfum frá einstaklingum og fyrirtækjum í formi dýradóts eða fóðurs sem verður nýtt fyrir fósturdýrin okkar.
Ath. Því betri upplýsingar sem við höfum, því auðveldara er að finna gott heimili fyrir gæludýrin.
Smelltu hér til að skrá tilkynningu um týnt dýr.
Fannstu dýr á flakki? Smelltu hér til að skrá tilkynningu.
