Velkomin á vefsíðu Dýrahjálpar Íslands!

Dýrahjálp Íslands er félag sjálfboðaliða sem leitast við að sjá dýrum sem þarfnast heimilis fyrir skjóli og stofna til þess dýraathvarf.

Frá stofnun félagsins í maí 2008 hefur Dýrahjálp Íslands aðstoðað alls 8,106 dýr í heimilisleit.

Dagatal Dýrahjálpar 2026 - komið í forsölu

05 Nóv 2025

Það styttist í að dagatalið okkar komi út!
Við erum svo spennt að við erum komin með það í forsölu, það er hægt að tryggja sér eintak með að panta það í vefverslun Dýrahjálpar (sjá í fellilistanum hér hægra megin) https://www.dyrahjalp.is/vefverslun/

Hið glæsilega og ofurkrúttaða Dagatal Dýrahjálpar Íslands fyrir árið 2026.
Þemað er, eins og í öllum okkar fyrri dagatölum, "farsælar sögur" með myndum og reynslusögum af dýrum sem hafa verið á fósturheimilum Dýrahjálpar og hafa fengið frábær framtíðarheimili.
Öll dýrin sem eru í dagtalinu eru dýr sem hafa fengið heimili á árinu 2025 og er þetta því einstaklega "gott í hjartað" fyrir alla dýravini.

Dagatalið er borðdagatal, 20 cm á breidd og 14 cm hæð.
Myndirnar í dagatalinu eru af Sirrý ljósmyndara hjá "Þetta Stúdíó" Það er um að gera að næla sér í eintak til að geta horft á ofurkrúttlegar myndir út árið :)