Velkomin á vefsíðu Dýrahjálpar Íslands!

Dýrahjálp Íslands er félag sjálfboðaliða sem leitast við að sjá dýrum sem þarfnast heimilis fyrir skjóli og stofna til þess dýraathvarf.

Frá stofnun félagsins í maí 2008 hefur Dýrahjálp Íslands aðstoðað alls dýr í heimilisleit.

Stærsta verkefni Dýrahjálpar

05 Okt 2015

Með gleði í hjarta viljum við tilkynna að um helgina tókst Dýrahjálp að framkvæma verkefni sem er það stærsta sem við höfum tekist á við. Með samstilltu átaki ótalmargra aðila tókum við á móti þrjátíu köttum frá Matvælastofnun inn á yndisleg fósturheimili.

Við viljum þakka öllum sem komu að þessu verkefni með okkur. Þetta hefði ekki gengið upp nema fyrir þá staðreynd að til eru fjöldi dýravina sem finnst verkefni sem þessi vera vert að sinna.

Takk Hanna M. Arnórsdóttir, dýralæknir og eigandi á Dýraspítalanum í Garðabæ fyrir að gefa vinnu þína þegar við tókum við dýrunum og að sjálfsögðu Dýraspítalanum í Garðabæ fyrir að hafa í gegnum tíðina styrkt okkur með vinnu, ráðum og dáðum.
Takk Vistor fyrir að taka saman og gefa fóður fyrir kettina með engum fyrirvara.
Takk IcePharma fyrir að styrkja verkefnið.
Takk elsku ótalmörgu fósturheimili fyrir að bjóðast til að hjúkra og sinna köttunum.
Takk Matvælastofnun fyrir að treysta okkur í þetta verkefni og gefa okkur þannig tækifæri á því að sýna og sanna hvað í okkur býr.
Takk sjálfboðaliðar Dýrahjálpar fyrir óþrjótandi orku, jákvæðni, viljann og getuna til að gera það sem þarf.

Eins og gefur að skilja er sagan þó ekki öll sögð, næstu vikur og mánuði þurfum við enn meiri aðstoð. Við köllum því hér með eftir ykkar hjálp. Það eru helst nokkrar leiðir sem hjálpa okkur mest eins og staðan er nú:
- Fjárframlög: Mörg dýranna sem við tókum við þurfa á töluverðri dýralækna aðstoð að halda, svo fjárframlög væri vel þegin til að standa straum af þeim kostnaði. Hér eru upplýsingar um bankareikning: http://www.dyrahjalp.is/styrkja/
- Geymsla: Með stækkandi umfangi Dýrahjálpar, þá þurfum við að leita að nýju geymsluplássi og erum því að leita að ódýrri ca 15-20 fm geymslu/herbergi þar sem má geyma fóður og slíkt. Ef þið vitið um eitthvað sem gæti hentað, vinsamlega sendið okkur upplýsingar á dyrahjalp@dyrahjalp.is.
- Kisudót: Vegna fjölda katta sem eru núna á fósturheimilum óskum við eftir klórustaurum og kattasandi sérstaklega en allt kisutengt mun að koma sér vel.

Til viðbótar við ofangreinda aðila, sem hafa aðstoðað okkur í þessu tiltekna verkefni á síðustu dögum, viljum við auðvitað þakka öllum öðrum sem hafa unnið með okkur í gegnum tíðina og gert okkur kleift að stækka og sinna fleiri dýrum með hverju árinu. Þetta eru aðilar sem með ýmsum hætti hafa komið að starfinu, styrkt okkur og hjálpað, til dæmis má nefna Dýralæknamiðstöðin Grafarholti, Dýralæknastofa Suðurnesja, Dýrheimar, Gæludýr.is og allir aðrir sem hafa lagt okkur lið í gegnum tíðina.

Elsku vinir, fyrir hönd dýranna þökkum við ykkur fyrir.